De Sonn is unta ganga

De Sonn is unta ganga , so wia oiwei
Und i sitz do und schreib für di des Liad
I mecht gern dass da gfoit und dass di wach hoit
Und mia foin glei de Augn zua, i bin miad
Und wieda moi suach i nach schöne Worte
Und wieda a moi find i koa für di
A Sonnenuntergang, da Mond, a Gwitta
A Schmetterling, du bist genau so schee
Und wieda moi kon i di kurz vazaubern
Und mia foits grod wia Schuppn von de Augn
Da Postbot bringt an Briaf, von dia a Botschaft
Hob scho so sehnsüchtig drauf gwart, draussn am Zaun
Und wieda a moi les i deine Zeiln
Und wieda a moi riach i am Papier
Und wieda a moi schreibst ma dasst mi gern host
Und dasst di auf de Hausbank gfreist mit mir

Und wieda moi hob i bloss a boor Zeiln
Gschriem, nia häd i denkt das des wen stört
Und wieda moi hob i ins Schwarze troffa
Du findst as guad und sie finds unerhört
Und wieda moi hea i a Feia knistern
Du brauchst ned frogn, kim sitz di einfach hea
Und loan di einfach zuaba aba sog nix
Es braucht ned jeda mit kriagn das ma rean

Hans Söllner