Und wieda moi

Und wieda moi geht d Sonn ganz langsam unter
De Woikn ham se ausgred, ois is guad
Und wieda moi hea i di nem mia atmen
Und merk,wenn i des hea,wia guad des duat
Und wieda moi werd irgendwos auf d Wöit brocht
Wos Fiass hod oda Flügl, jung und frei
Und wenns dann endlich geh kon oda flattert
Dann stutz ma eana d Fedan und sperrns ei
Und wieda moi vertrau i deiner Liebe

 

Und du geniesst mei Zärtlichkeit und tramst
Dass ewig a so bleibt und jeda segn kon
Dasst glücklich bist und di ned dafür schamst
Das deine Fedan koana stutzt , do werd i
Drauf achten, ja , verlass di ruhig auf mi
Und wenn i dann a moi den Mut hob, sing i
A Liebeslied und i sings bloss für di

Ja wieda moi hob i bloss a boor Zeiln
Gschriem,nia häd i denkt das des wen stört
Und wieda moi hob i ins Schwarze troffa
Du findst as guad und sie finds unerhört
Ja wieda moi hea i a Feia knistern
Du brauchst ned frogn, kim sitz di einfach hea
Und loan di einfach zuaba aba sog nix
Es muass ned jeda mit kriagn , das i rea

Hans Söllner