Und wieda moi

Und wieda moi geht d Sonn ganz langsam unter
Und wieda moi werds langsam um mi Nacht
Und wieda moi hob i probiert dass zfriedn seits
Und wieda a moi hob is hoit ned gschafft
Und wieda moi werd i ganz ruhig schlaffa
Zu koam war i heit bäs und hob ned gfluacht

Und wieda moi hob i mi heit ned oglogn
Und hob med nach a Ausred für mi gsuacht
Und wieda moi sig i de Woikn wandern
Sie treffan se heit Nacht nu auf an Ratsch
Ganz leise hea is flüstern dass neamt mit kriagt
Und wieda moi sans endlich olle staad
Und wieda moi werd i heit in am Bett liegn
Und wieda moi liegst du ned neba mia
Und wieda moi wer i von uns zwoa tramma
I glaub dann kannt is schaffa bis morgn Fria

Ja, wieda moi hob i bloss a boa Zeiln
gschriem,nia häd i denkt dad des wen stört
Und wieda moi hob i ins Schwarze troffa,
Du findst as guad, sie unerhört
Und wieda moi hea i a Feia knistern
Du brauchst ned frogn, kim sitz di einfach hea
Und loan di a weng zuaba , aba sog nix
Es braucht ned jeda mit kriagn das a reat .

Hans Söllner